美味的素羅宋湯

日期：10月1日

地點：蓮花新派健康料理

是次消費：$33.00

在元朗廣場悠行數小時後，回家前點都想吃點東西，礙於早上的華嫂早餐仍未完全消化，所以就不掃街了。上OR找到有一間素食店我都想試好耐，於是趁人在元朗就去看看。

由元朗廣場行數分鐘便找到了，在"元朗河"旁邊是元通樓，樓宇前有一條小徑，這一條小徑內雲集有數間食肆，蓮花就在中間位置，看到旁邊幾間食肆的食客都坐到戶外了，人多勢眾，氣氛相當熱鬧﹗

入到店內，店員即前來開茶，香片清幽而不澀，幾好飲呢，茶錢收$3，沒有加一。

餐牌有散點﹑午餐及下午茶，原來兩點鐘就開始有下午茶，午餐包餐湯，不過和下午茶一樣飲品就要另加錢。

雖然午餐都好吸引，但此刻未能吞下一碟飯，想了15分鐘之久終於有決定了﹗

羅宋湯海鮮米粉$30，賣相很吸引，香氣撲鼻。

平時飲開素湯都是中湯，第一次飲素羅宋湯呢﹗內有椰菜﹑紅蘿蔔及蕃茄，足料到呢~~~蕃茄味道濃厚，酸酸甜甜，勁醒胃，蔬菜都煲到又淋又入味，好好食，正。米粉煮得好爽口，吸收湯的味道後更是份外美味。

自己盡量不吃素肉，不過又不想浪費食物，那就吃吧﹗海鮮包括有素魚旦﹑素蝦﹑和素魷魚，份量有好多，而味道真是幾似原本的那種肉。

餐廳的冷氣不夠凍，邊吃邊流汗，飲多兩壺熱茶更加變了濕水鴨，所以吃完就立即離場了。