在Pret A食素

日期：8月12日

地點：Pret A Manger

是次消費：$102

我喜歡Pret A提供不少無肉素食的選擇，趁下午去灣仔辦事又食返一轉先﹗

此分店原來有樓上層，店內裝潢簡約，以木色為主調會令人感覺舒適起來。佔地甚廣，而枱櫈放得不密集，難得在繁忙的地區內有一個理想休憩地。




甜薯素丸子鷹嘴豆醬沙律$3x，材料種類夠多，有甜薯素丸子、什藜麥、毛豆、青豆、鷹嘴豆醬、青瓜及車厘茄，法式沙律汁分開盒仔上。Pret A的沙律向來都有水準，基本上蔬菜都好新鮮，爽口多汁，絕不會乾爭爭或有黃葉出現的問題，鷹嘴豆醬是酸味的豆蓉，十分可口，而法式沙律汁也是偏酸的，整體味道都令人胃口大開。


伴湯包是法包，$6咁大條實在好抵呢，麵包外面香脆內裡鬆軟，就算無湯伴住食都不成問題呢。我將沙律盒內的鷹嘴豆醬塗在包中，即時成為有餡麵包了。

健康鷹嘴豆醬三文治$22，鷹嘴豆芝麻醬﹑ 紅椒﹑ 青瓜和雜生菜，味道主要是酸酸甜甜，蔬菜新鮮，配上穀物麵包，健康度加分﹗我絕少食街外雪櫃的三文件唯獨Pret A的出品例外，因為Pret A的三文治是食得出好新鮮，令我安心。

藍莓蘋果乳酪$2x，小小一杯但份量好足，酸甜味的乳酪配蘋果粒及藍莓醬，清新又健康。最後以一杯凍檸檬有機紅茶$20作結。

其實食素都可以飽肚架。