繁忙中的寧靜角

日期：2月16日

地點：Kuc Space

是次消費：$92.00

放大假的第一日我就去了Kuc，因為太掛住她了~~~上年來過一次先知雖然這裡開放時間是10am，不過午餐需在12點半才開始，所以今天我差不多12點先到就不需等太耐。

不過如閣下想要一個舒服又寧靜的地方休息下，思想下，那當然可以早到早享受嚕。

估不到人客只有我和另一位女生，我選擇靠窗子的位置，因為我喜歡被自然光包圍著。

可惜的是今天不是陽光普照日，否則感覺更為美妙。

先給自己邊飲邊等，玫瑰花茶，一整壺連配套兼熱水任加都只是$20﹗抵到呢...

外藉義工提醒我這茶要焗多幾分鐘才出味，非常細心。玫瑰花茶花茶的確是越飲越香，嗅覺及味覺都充滿著玫瑰花香，有說不出的舒服。加少許蜂蜜在茶內可加添風味。

差不多夠鐘我便找外藉義工"落單"，雖然她會逐一前來問食客的選擇，不過我份人就...真係好心急...XD

是日餐湯是芹菜粟米湯，將兩款食材打爛再煮成湯，湯汁應該無加任何調味，因每一口都只是西芹和粟米的味道，非常清新的。湯面紅色的兩行是微辣的粉末。

連星期一兩款午餐都是素食，午餐A燉椰汁芋頭，B是烤南瓜茄子配蕃茄汁，兩款餸都配炒麵及飯。本來我想食B餐的，但平時出街我又好少食到芋頭，於是就轉呔...

芋頭入口即溶，毫不硬實，芋頭吸盡椰汁，加上香草，味道香濃；炒米加有木耳﹑菠菜及紅蘿蔔；白飯加入少量燕麥飯及紅米飯。餸菜都是少鹽少油少糖，又健康又夠營養。

雖然主菜我要了多飯，不過都不夠飽，哈，所以來多件蛋糕做甜品~~~

幾款蛋糕都是$12，好想全部都食呀，期間有一位熟客和我傾計，她叫我要試朱古力蛋糕，非常好吃咁話。是，我好鐘意食朱古力，但檸檬蛋糕更是令我忍不住啊~~(哭)

蛋糕外層沾有厚厚的檸檬醬，偏酸的味道正合我心意，蛋糕帶點濕潤，不乾涸，當中的檸檬味都幾濃郁，很是醒胃。雖然切餅上沒有加任何花巧的配料﹑裝飾，但單單以味道都輕易地取勝了。

所有用完的碗碟餐具都要自己送去廚房的收集處，而臨走前便去廚房旁邊做付款，那裡放有錢箱及計算機，今餐付幾多﹖找幾多﹖全部自己來，無人會監視你，絕對是講個"信"字。

我好鐘意這裡，這裡給人一種寫意﹑毫無壓力的感覺。可惜的是這裡在假日不會營業，等到再放閒日假我才可以再來見妳了﹗