日期：6月14日
地點：
是次消費：$60
N年前奧海城內有條食街，那些年我都幫襯過數次。直到翻新後就由大食代負責，但就無再過去了，因這年來聽到妹妹說這間大食代有不少食店，攪到我成日心思思想去試，趁今日過去奧海城，那就去大食代食午飯吧。
場內地方甚大，至少比朗豪坊大食代大好多，基本上不用等位。(12點前來到的話)，在十數間食店轉來轉去最終決定食鐵板飯。
話說，我對上一次幫襯Pepper Lunch是NN年前，當時是去apm美食廣場分店，當年的Pepper Lunch不知幾有風頭，不少香港專程去潮聖的，現在分店多得是，這記憶都變做回憶了。
點選最基本的黑椒牛肉飯$47，加大多$5，問過後原來加大是指飯量有一飯碗再多少少及牛肉都會多少少，因為我好鐘意食飯所以要加﹗然後要食多點菜，兩款菜都有加到，芽菜$3及冬菇$5。
趁鐵板在火辣辣狀態立即倒下芽菜及冬菇，再將粟米﹑牛肉及白飯翻來翻去，鐵板熱度大約有3分鐘，足以令所有食物煮熟，但必須要手快，否則牛肉會黏住鐵板呢。
店方預先在飯內加了燒肉汁，也在收銀處也放有一大支燒肉汁及蜜糖芥末汁任人斟，我先試味，岩岩好，所以無額外加汁醬。
完成後聞到陣陣香氣，口水都流出來了，菜蔬及飯有油爆炒過，食落當然美味，黑椒的香味及辣勁在每口飯中都帶出微微刺激，所用的牛肉以瘦肉為主，並不是我不喜歡的肥牛，真好。
自問都幾鐘意去美食廣場食飯，平平地又多野食，不錯的丫。xD
沒有留言:
發佈留言