早晨在大力

日期：3月29日

地點： 大力齋廚

是次消費：$43

基本上每個周末我都會去大力齋廚食午餐，我最愛是咖哩雜菜客飯$42加是日例湯$5~~絕對是既健康又飽肚的組合。

今早去大興村剪頭髮，完成後便順便走去大力食埋午飯才回家。見仍有早餐供應，於是放棄等到11點才開始的午飯時間。(注：早餐時段8-11am，入單計)

田園粥$15，大大碗，內有好多雜菜絲及菇菇絲，而粥底混有腐竹，鹽沒下得太多，味道較清淡。

炒米粉$19就好細碟，配料都是雜菜絲及菇菇絲，再加少少素火腿，以這個價錢來計的話實在不夠抵食。米粉質感幾硬，需咀嚼較耐才能吞下。

身邊的食客主打西式早餐，廿幾元一大份有麵底有麵包的確吸引，下次我都要試下﹗