食韓國菜何須大排長龍﹖

日期：1月10日

地點：水剌韓饍

是次消費：$157.00

是日專程出去尖沙咀為的是取回已訂購的新電話，完成手續後就去食飯，尖沙咀區有不少韓國餐廳，所以一早決定食韓國菜﹗但我不喜歡去那些"那段時期好HIT的餐廳"，所以選擇了走去"韓國街"附近的山林道，裡頭有一間水剌韓饍。

上到餐廳後，我便前去接待處告訴台前那位男士我的訂位名字，不過他一臉茫然，啊，聽到他開口說話才知道他是韓國人，也是老闆來的呢。(佢都幾型仔~XD)

弄清楚後他就叫店員帶我們入座，不難發現當中有幾位店員都是韓國人，幸好用簡單英文都可以和他們溝通到。

奉上的是麥茶，其實我不喜歡飲麥茶，不過這款麥味較淡，我接受到，還添飲了幾杯呢。

我們都不是太餓，所以放棄點選非常抵食且豐富都爆的二人餐，改為散點。點餐後，七小碟隨即上枱，很有排場﹗所有小碟都可以續碟，但他們是會全部款式一次過添加，所以哪款不需要添便要主動講出來。

芽菜和菠菜都好清新。

泡菜充滿辣勁，我吃了少少已經頂不順了。

最估不到有牛肉餅，肉味濃郁，醬汁甜美，實在非常好吃，連同另一款煎豆腐，這兩味用來做餸配白飯都足以食飽人了。

黑豆好有咬口，甜甜的味道令人不知不覺就吃完一碟。

酸蘿蔔絲就沒什麼特別。

泡菜煎餅$59(用TableMap訂枱以半價享用)，餅身煎得好香口，餅底夠挺身，中間位置不會糊淋淋，泡菜帶來的酸味實在好醒胃，配料豐富，有蔥條﹑魷魚和蝦等海鮮。

水冷麵$108，整碗麵都雪得夠凍，配料有雪梨﹑酸白蘿蔔﹑酸青瓜﹑烚蛋及牛腱，可惜牛腱好硬，應該是凍到硬化了，完全咬不爛，幸好冷麵沒有雪到一舊舊，而是輕易散開，質感Q彈，麵就是好吃。

附上白醋及黃芥末，任你用，真開心﹗

最後一味是海鮮泡菜湯$118，來的時候湯仍在翻滾中。不要少看鍋子細細，但原來裡面塞了好多配料﹗

有鮮蝦﹑青口﹑魷魚﹑豆腐﹑金菇﹑大蔥等等，湯汁中是飲得出鮮蝦味滿瀉，加上泡菜，令湯頭又鮮又辣，非常配合，雖然我食不到太辣但實在忍不住飲了好多湯，好飲﹗

原來湯鍋會跟上白飯，湯撈飯絕對是妙配。

我們都估不到主菜份量都幾"巨"，加上食過兩ROUND小碟都已經半飽，縱使主菜只"輕量地"點了三樣，但最終都食剩少少食物呢。

埋單後，店員送上一人一杯紅色的凍飲品，啊，原來是果醋，酸咪咪，有助解膩。

店員的服務好好，態度欣勤。環境都幾有情調，是晚人流不算多，加上沒有食飯時限，可以舒舒服服嘆返餐。好過去那些要等上幾小時但只可以食45分鐘的店子呢。