輕輕鬆鬆三點鐘

日期：5月17日

地點：大自然素食

是次消費：$67.40

一心想去麵包放題，不過見快三點鐘，如果這時間吃得太多麵包一定食不落晚飯，唯有放棄。於是又去返有半價茶市的大自然。

一坐下，店員就即時奉上醃青瓜及玄米茶$10，幾分鐘後我見到轉了漬車里茄，啊，其實我想食車里茄啊。(泣)

上次吃過的涼拌牛蒡絲$18今次繼續重溫，因為我平時都不會買牛蒡來煮食，牛蒡爽口，有少少酸味有少少麻油香，清新宜人，KO完一碟都好飽肚了。

上次食炒麵，今次就試下三絲炒上海年糕$29，份量對一個人的話就剛剛好，配料有少量芽菜﹑素火腿及紅椒絲，年糕煙韌，沒有實心情況出現，醬油味帶甜，油份不誇張，食後不覺濟。

最後要原價加一埋單$10.4，人均消費同去酒樓飲下午茶差不多價錢，不過就免了等位時間。