出發前的輕便早餐

日期：4月9日

地點：Caffe Ritazza

是次消費：$45

今日出發去日本大阪喇，非常開心。(跳起)

七點半向導遊報到後，我和朋友就找地方食早餐才入閘去，友人要跟上次一樣去西龍傳香飯糰買飯團食，我說既然還有時間不如找一個可以坐的餐廳食早餐吧，況且西龍傳香飯糰有在出面都有分店。

雖然大力水手炸雞的早餐好吸引，不過明知來緊的旅程會是瘋狂地食食食，所以今餐盡量清淡少少好了。見到這裡有水果杯，於是就幫襯這間。

因不見有套餐牌，我以為全店食物都是散點，不過見人人都是食一式一樣的食物，於是便去問收銀員"唔該，請問有冇早餐呢?"，她晚娘咁既口面同我說"係有早餐"，我再問早餐有什麼﹖她才答"生果杯﹑牛角酥同咖啡"，其實她不想講野不況叫公司考慮放一個餐牌甚至只用一張A4紙印出來給大家參考，都好。

既然有我想食的水果杯，當然耍早餐啦﹗首先要自行去取水果杯，人多嘛，水果杯流量都好快，但就雪得不夠時間，水果只有室溫，對於已切開的水果來說其實不算好的。然後回去付款，牛角酥就即時叮熱，再等收銀員沖飲品，(咖啡可免費轉熱朱古力/熱茶)，便可以埋位了。

牛角酥鬆化，牛油味濃香到不得了，熱熱的麵包是最好吃的啦當然，而熱朱古力十分大杯　香濃不過甜，水果粒有點軟淋，感覺不太新鮮，原來每杯水果款式都有少少不同，好似友人取到的那杯是有好多菠蘿啊(尖叫)...

這裡座位都幾緊張，因大部份食客都是等上機或等朋友，所以有不少人就要坐到旁邊食店的堂食位置。