誤打誤撞訪阿元

日期：6月7日

地點：阿元來了

是次消費：$35

當等緊馬路行去對面的齒來香蛋卷的時候，聽到食友說原來阿元來了就在這裡，我抬頭一看，"咦係喎"。因店舖門前那幾個玩味招牌實在好易認。XD

門外有位高大男士不斷在拉客，見到我們行過就叫我們入去試下試下。不久，食友說難得阿元無人等位不如入去飲杯野，既然不用等位我也同意GOGOGO。

高大男士見我們返轉頭，便說"入來試下喇"，因裡面只得返高枱，他問"你地介唔介意?"，我們說OK，他再說"如果頭先你地話轉頭黎我都可以幫你地留定枱，不過唔緊要，高枱都幾好坐架"。招呼很不錯。

店舖十分十分細小，最多容納廿人左右，枱貼枱，人貼人，變相坐高枱較舒服，起碼不會太狹窄。

本來我們諗住一人一杯飲品，但我發現單上寫有"最低消費額"(!!)，在精明的食友計算下就點多一份拼盤，那就剛剛好了。(但店員姐姐不太滿意我們叫咁少....)

先來鹵味拚盤$25，份量小小，岩哂已經食到好飽的我們。分別有雞蛋﹑豬耳及豬腸，鹵水汁甜而不膩又不太鹹，實在不錯，雞蛋蛋味濃香，而豬耳軟淋香軟，豬皮的膠質更黏住嘴唇呢。

飲品方面沒有門口招牌上所顯示的苦瓜汁(應該只是裝飾用啦)，食友點選了冬瓜檸檬$20，聽說味道好鬼酸(口水出來中...)，而我要了仙草凍奶茶$25(少冰)，仙草切到好幼條，比坊間用大粗條有所不同，幼到可以直吞不用咀嚼，奶茶的奶味過濃，茶味不覺有，雖然無要求少甜，不過甜度剛剛好。

見到有指示寫用餐只限30分鐘，哇，如果以吃正餐來說實在較為趕呢﹗