日期:2月25日
地點:好媽媽台灣館
是次消費:$92.50
是晚約了多月沒見的食友共進晚餐。
早前已在網上發現太子區新開了一間台式餐廳,我當然好有興趣啦,問及食友先知道她早早已經幫襯過了,幸好她不介意再吃一回。呵呵。
在太子幾條內街穿插終於到達了,原來正正在金鳳大餐廳隔離,食友說好媽媽台灣館其實是金鳳開辦的呢。
店子小小的,左右兩邊是卡位,中間是圓枱,陳設簡單,牆上貼有幾張食物照片。
主要由一位女店員坐鎮,她態度有禮,服務體貼。我們在餐牌中揭來揭去,很多都想試但我倆其實未太肚餓,本來食友見議來一客晚市套餐,套餐包括前菜﹑大雞排﹑鹵肉飯連飲品都是$78,哇,勁抵食喎﹗不過食友又考慮想到我主要想吃炒米粉,於是就作罷。
我們都喜歡吃苦瓜,這一味涼拌苦瓜$28就最合我們了﹗苦瓜已去掉所有白色的部份,至少知道不會有苦,我以為是用蒜蓉陳醋那些調味,估不到是用白醋,酸度勁強,加上雪得夠凍,醒胃很得﹗
所有主食都可以加$20轉套餐,包有一杯飲品及小食/白飯,我今次飲芋香珍珠(少甜少冰,不可走甜),色水對辦,香芋味都嚐得出來,但少甜仍然比較甜(可能我飲開走甜),珍珠份量較少,但都算QQ。
兩個餐其中一個要白飯,另一個要鹵豆腐,豆腐不夠熱,而且幾硬實,鹵水汁就不錯,甜甜的不會過鹹。
食友食過都讚好的台式炒米粉$45,哇,份量超多,如果細食女生絕對可以二人分~﹗
我很愛食新竹米粉,喜歡它又幼又滑,米粉沾滿肉燥﹑肉汁,陣陣油脂香,份外吸引,這裡的肉燥真好吃,甜甜地,肥肉不多,吃落不油膩,配料有豬肉﹑芹菜﹑椰菜﹑紅蘿蔔﹑芽菜,太豐富了﹗
我家三杯雞$55,用上雞脾位,啖啖肉,醬汁與九層塔﹑大辣椒﹑芹菜,再配上大量蒜子煮成,味道及香氣倍升。﹑
落單時點了一盅蔭鳳梨苦瓜雞湯(原盅燉),但食完飯先知道原來無入過單,不過錯有錯著,因為我已經飽到再食不下了。
如果下次再來我會重溫涼拌苦瓜+炒米粉,YUMMY~
沒有留言:
發佈留言