非一般聯邦

日期：7月1日

地點：聯邦郵輪宴會中心

是次消費：$161.50

趁著天氣很好就去郵輪碼頭逛下及影下相。從德福廣場小巴站乘一程小巴就到了，又快又方便。

經司機提醒才知道要落車，哈哈﹗因第一來不熟路，下車後即時跟著人流，乘電梯去2樓，再跟隨碼頭內一大堆指示左行右行才找到聯邦。呼。

我還以為不用等位飲茶呢，事實上人流比我意料的多，幸好取得籌只需等幾張枱，也好彩早來一步，幾分鐘後突然有幾十人湧過來了，門前那條窄窄巷子即時變得水洩不通。

最後等位等了半小時，也不算好耐。

入去到才看到酒樓樓底超高，空間感當然足夠，近海景窗口位主要是大枱，而我們坐中間位置，也可以遠望到另一邊花園的景色，場內有兩個超級大螢幕，有說不出的震撼。我們二人分配到一張中枱，這枱足以坐到六個人的呢，全場不設搭枱，所以我坐得相當寫意﹗

坐了一陣沒有侍應過來開茶，於是自己主動叫。茶壺的茶隔相當特別，是一個球，當打開壺子這鐵球也會順勢拉起，哈哈，幾好玩的。不過加水時要小心地從邊邊位倒水入去。

發現侍應開錯了茶給我，轉回香片後就去刨點心紙了。始終是"旅遊區"，飲食價錢我有哂心理準備是貴，當閱過點心紙後，價錢大約是：點心$30up，小食$30-50up，粉麵飯$100up，其實都接受到。茶錢$15/位，我見到前菜是花生，所以提出不要了，又慳到$。

觀察過附近食客所吃的食物後，發現點心較"的式"，炒麵飯則"巨型"，所以選擇幾款有興趣的點心再加一窩麵食，希望夠填肚啦，哈哈。

黑松露明蝦角$41/3件，每件賣相工整，從外皮看到入面有黑色"一點點"，果然是有松露丫~(以為點心名只是吹噓用XD)

蝦角外層不會炸得好死實，入口鬆化，毫不覺油膩，咬開後咀巴一陣濕潤感，原來入面的肉汁多到滿，蝦肉大隻兼爽口，鮮味得很，反而松露得個樣，味道/氣味略遜一籌，純以蝦角角度去評論的話這個是意料之外的好好吃啊﹗醒胃的話可以配千島醬，醬內藏有了1.5粒車里茄呢。

因為灼菜真的不便宜，幸好在較平的小食類發現有蔬菜款，燒汁木魚釀茄子$35，我以為是茄子一開二燒好後再淋上燒汁木魚碎(普遍的做法)。看到實物原來是魚肉釀茄子，配以燒汁醬木魚碎。

味道實在不錯呢，魚肉好厚，好彈牙，加入蝦米味道更濃香，新鮮炸起，厚切茄子爆汁，燒汁比豉油更吸引，伴菜有幾條長豆。

風靡一時的冬菪包估不到在聯邦都可找到﹗今次點都要試下﹗黑松露鮮菌冬菇包$29，賣相可愛都暈，底部做埋粒"冬菇丁"出來，好攪笑。

餡料以蘑菇為主，而黑松露終於吃得出其存在了~外表的啡黑色部份應該用咖啡粉做出來，因吃到陣陣咖啡苦味，由於我不飲咖啡的所以覺得幾苦下。

翡翠帶子餃$41，一口一粒，夠"迷你"。餃皮軟糯不黏牙，帶子較少，反而加入的蝦肉所帶出的鮮甜味更為突出。

一大窩蕃茄魚腐海皇米線$118，份量大約分到8飯碗，兩個人清完一窩認真飽飽了。

蕃茄湯偏向甜，不太酸，如果加些鮮蕃去煮，出來味道更加可口。配料有魷魚﹑帶子﹑大蝦﹑魚腐﹑珊瑚蚌﹑桂花蚌﹑蘑菇及蕃茄粒，料多到食極都食不完似的，米線吸盡湯汁已經變到橙紅色，好味﹗

此店人手眾多，所以服務都跟得好貼，而他們的態度都算不錯。

吃飽飽後加了一款糕點的，但等了25分鐘都未出現，見追單兩次都無下文便埋單吧，查帳單見有收甜品錢，同經理說"甜品無黎"，他無追問下直接改單去了。

食飽就上去碼頭行來行去，公園好大，重點是人少少所以行得好舒服，最估不到公園廁所都可以咁乾淨。(讚﹗)